දුඹුරු වර්ණ (සහ ක්‍රිස්ටෝව)
ස්ථානය : ක්‍රිස්ටෝව-කැළණිය විශ්වවිද්‍යාලය
මෙය කැමරාවට හසු කරගත්තේ වි.වි හි පැවති චිත්‍ර ප්‍රදර්ෂණයකදියි.පසුබිම සුමට කිරීමට sepia වර්ණ පෙරණයක් යොදාගත්තත් චිත්‍රය සහිත රාමුව ඇත්තේ එහි ස්වාභාවික වර්ණ වලින්මයි.
සේයාරුව වගේම එහි පසුබිමත් වැදගත් නිසා ක්‍රිස්ටෝව ගැනත් මෙතනදිම කියන්නම්. "ක්‍රිස්ටෝව" කියන්නේ අපේ මානවශාස්ත්‍ර පීඨයේ තියන අපූරු, සුන්දර, අමුතු තැනක්.පැරණි වලව්වක් තමයි ඉදිරියෙන්ම තියෙන්නේ.රූස්ස ගස් වලින් හෙවණ උණු සුදුවැලි සහිත මිදුල,විවිධ මට්ටම් ව්ලින් සැදි සිංහල උළු වහල,කැටයම් කණු වගේම දිගු හිස් කොරිඩෝවන් මෙතැන පෞරාණික ලස්සන තවත් වැඩි කරනවා
ඒත් මීට වඩා සිත්ගන්නාසුළු තැනක් වලව්වට පිටුපසින් තියනවා.මෙතන්ට ගිය හැම වෙලාවකදිම හිතට හරි අමුතු හුදකලා ශෝකී හැගීමක් එනවා.(මගේ මිතුරනුත් කියනව ඔවුන්ටත් ඒ හැගීම දැනෙන බව ) ඒ මෙතන තියන අඳුරු තෙත්ගතිය නිසාද ,නැත්නම් ඉස්සර කලබල සමයේ මෙතැන වදකාගාරයක් විදියට භාවිතා වුණායැයි කව්දෝ කියපු කතාව (ඇත්ත නැත්ත නම් හරියට දන්නෙ නැහැ ) නිසාදැයි මට හිතාගන්න බැහැ.
සුවිසල් බෝගස් වැඩිලා තියෙන්නේ පරණ කණු වලට බද්ධ වෙලාමයි.වහලක් නැහි නිසා හොඳින් සුළඟත් එනවා.සුළඟට සැලෙන දහසක් බෝපත්වලින් නැගෙන හෝ හඬ අර ගුප්ත හැඟීම තවත් තීව්‍ර කරනවා.
කොහොම වෙතත් ක්‍රිස්ටෝව ඡායාරූපකරණයට නම් කදිම තැනක්...
හුදකලාව....
මේ අපේ art ෆැකල්ටි එකේ කාමරයක්.හොයන්නෙ බලන්නෙ නැතිව ඇතුලට ගිහින්,පින්තූරෙත් ගත්තට පස්සෙ තමයි දැක්කෙ ඈතට වෙන්න හාමුදුරු නමක් රවාගෙන් බලන් ඉන්නවා.ඒ පාලි හා බෞද්ධ අංශය වග මතක් උනේ එතකොටයි..
ආදරය සුන්දරයි..නමුත් හැමවිටම නම් නොවෙයි..
මේ අපේ ආච්චිඅම්මගෙන් අම්මට ලැබුණ පරණම රිදී මාලයක්.(විදුලිබලය ඇනහිටි වෙලාවට මට වැඩ ගොඩයි..)
සමමිතිය
අපේ කැම්පස් එකේ තිබ්බ 'කල්‍යාණ දර්ශී' ප්‍රදර්ශනයේ වැඩකට හොරණ ගිය ගමනකදී මග ටිකක් වෙලා රස්තියාදු වෙන්න උණා.වාහනය නවත්තන් සිටියේ මේ රබර් වත්ත අයිනෙයි.මෙය ඉතාම හොඳට නඩත්තු කර තිබ්බ වත්තක්.රබර් ගස් සිටුවා තිබුණේ කොයි පැත්තට හැරිලා බැලුවත් එක පෙළට, හරි කෙලින් පෙනෙන ආකාරයතයි.
ආදරය
මේ Euphorbia කියන මල් වර්ගයක්.හොයගත්තෙ අපේ අම්මගෙ මල් වත්තෙන්.පසුබිමේ තද එලියක් තිබ්බ නිසා කලබලකාරී ගතිය අඩු කරන්න කළු-සුදු පැත්තට හරවන්න උණා.bokeh (ආලෝක ලප) ගතිය ඇවිත් තියෙන්නෙ නොසිතූ විදියටයි.මොකද මේක ගත්තෙ ඒ පහසුකම නැති කැමරාවකින්..
පරිපූර්ණත්වය
බුදුපහන තියන්න ගිය වෙලාවක උනත් ඉතින් කැමරා ඇස අමතක කරන්න අමරුයිනෙ.මේ පහන් දැල්ලේ ස්වාභාවික කහ එලිය flasher එක නැතිව.
(අපෙ ගෙදර හරියට හවස6ට බදුපහන තියනවා.ඒක අමතක කරලා පහනයි,වට්ටියෙ මලුයි එක එක පැති වලට තියන්න ගිහින් වෙලාව හුගක් පහුවෙලා බැනුම් අහගන්නත් උණා.)
සුන්දර මවුරට
ස්ථානය : බතලේගොඩ ජලාශය-ඉබ්බාගමුව,කුරුණෑගල
පසුගිය අප්‍රේල් මාසේ කැම්පස් එකෙන් බතලේගොඩ වැව ආශ්‍රිත ප්‍රදේශයට ක්ෂේත්‍ර චාරිකාවක් යන්නට යෙදුණා.මේ එහිදී වැව් බැම්ම මත සිට ගත් ඡායාරූප වලින් එකක්.උදෑසන හොඳ ඉර එළියත් සුළං ඉතා හිමින් හැමීමත් නිසා , නිශ්චල දිය මතුපිට අහසේ සහ අවට කඳුවල ප්‍රතිබිම්භ පහැදිලිව පෙනුණා.
පසුගිය අප්‍රේල් මාසේ කැම්පස් එකෙන් බතලේගොඩ වැව ආශ්‍රිත ප්‍රදේශයට ක්ෂේත්‍ර චාරිකාවක් යන්නට යෙදුණා.මේ එහිදී වැව් බැම්ම මත සිට ගත් ඡායාරූප වලින් එකක්.උදෑසන හොඳ ඉර එළියත් සුළං ඉතා හිමින් හැමීමත් නිසා , නිශ්චල දිය මතුපිට අහසේ සහ අවට කඳුවල ප්‍රතිබිම්භ පහැදිලිව පෙනුණා.
Food of my life...
මගේ ආදරණීය ග්‍රන්ත එකතුව (මගේ නිධන් ගබඩාව විදියට අම්මා හඳුන්වන)පිළිවෙලකට සකසද්දී ආ අදහසකුයි මේ.පොත් වලට ඉටිකොළ දමා ඇතිනිසා flasher එක නොමැතිව ගත්තත් ඇතිවූ දිලිසීම් ආවරනයට යොදාගත්තේ glass filter 1ක්.
හුදකලාවට තනිරකින හෙවනැල්ල
" when I'm in lonely
don't know why
keep thinking I wont be lonely
by & by.."
මෙය ගැන මම තෘප්තිමත් නැහැ.shots කීපයක් ගත්තත් මට අවශ්‍ය කෝණය ලැබුණේ නැහැ.වැඩය දිගටම කරගෙන යන්න බැරිඋණේ, පැත්තකින් තව ඉටිපන්දමක් අල්ලන්, හිටන් ඉඳීම එපාවෙළා අම්මා යන්න ගිය නිසයි.
ලංකාවට හිම වැටනවද?
ස්ථානය : බතලේගොඩ ජලාශය-ඉබ්බාගමුව,කුරුණෑගල
මේකත් බතලේගොඩ චාරිකවෙදි ගත්ත එකක්.හැන්දෑ වෙනතුරු මහන්සි වී, වැඩ ඉවර වෙලා, පිටත්වීමට bus එකට නැග්ගාටත් පසුවයි මේ දර්ශනය ඇස ගැටුනේ.කඳු මතට මීදුම පාවෙලා...ඉතින් බිමට නොබැස කොහොමද? තව මිනිතු 5ක් වත් එතැන ඉඳියානම් මීට වඩා ලස්සන දර්ශනයක් ගන්නට තිබ්බා.නමුත් demo මිස්කෙනෙක් කෑගැසූ නිසා ආයෙමත් bus එකටම නගින්න උණා... :( :(
මේකත් බතලේගොඩ චාරිකවෙදි ගත්ත එකක්.හැන්දෑ වෙනතුරු මහන්සි වී, වැඩ ඉවර වෙලා, පිටත්වීමට bus එකට නැග්ගාටත් පසුවයි මේ දර්ශනය ඇස ගැටුනේ.කඳු මතට මීදුම පාවෙලා...ඉතින් බිමට නොබැස කොහොමද? තව මිනිතු 5ක් වත් එතැන ඉඳියානම් මීට වඩා ලස්සන දර්ශනයක් ගන්නට තිබ්බා.නමුත් demo මිස්කෙනෙක් කෑගැසූ නිසා ආයෙමත් bus එකටම නගින්න උණා... :( :(
හරිත ලෝකය
අම්මාගේ අසෝකා මල් පඳුරේ කොළ කාදමන හොරා අහු උනේ අදයි.ඒත් ඒකා මෙහෙමට ලස්සනට හිටී කියලා කවුද හිතුවේ..
යථාර්තය
මෙහි original shot එකේ ආලෝකය වැඩි නිසා මල් වල සුදු පහැය ඉස්මතු උනේ නැහැ.ඒනිසා sepia colorfilter 1ක් භාවිතා කළා.
Subscribe to:
Posts (Atom)
Posts
